संजय गुंजाळ यांची कोकण मराठी साहित्य परिषदेच्या मुरुड जंजिरा शाखाध्यक्षपदी निवड

कोर्लई,ता.१(राजीव नेवासेकर) कोकण मराठी साहित्य परिषदेच्या (मुरुड जंजिरा शाखा) झालेल्या सभेत संजय पांडुरंग गुंजाळ यांची चौथ्यांदा शाखाध्यक्षपदी निवड झाल्याबद्दल सर्वत्र कौतुक व अभिनंदन केले जात आहे.

   कोकण मराठी साहित्य परिषेच्या मुरुड जंजिरा शाखेची सभा गुरुवार दि.३१रोजी२०२५ रोजी वासंती उमरोटकर यांच्या निवासस्थानी उत्साहात संपन्न झाली.या सभेमध्ये २०२५ ते २०२८ या वर्षासाठी नवीन कार्यकारिणीची निवड करण्यात आली. शाखाध्यक्षपदी संजय गुंजाळ यांची तर उपाध्यक्षपदी उषा खोत,कार्याध्यक्ष अरुण बागडे, सचिवपदी नैनिता कर्णिक,सहसचिवपदी प्रतिभा मोहिले,खजिनदार उर्मिला नामजोशी,जिल्हा प्रतिनिधी सिद्धेश लखमदे, युवाशक्ती प्रमुख आशिष पाटील यांची सर्वानुमते निवड झाली.

    कला, साहित्य,सांस्कृतिक क्षेत्रातील संजय गुंजाळ यांचे कार्य उल्लेखनीय असून गेली  वर्षे कलासागर नाट्य संस्थेचे अध्यक्ष म्हणून यशस्वी धुरा सांभाळली आहे. ते राष्ट्रवादी काँग्रेस पार्टीचे कट्टर समर्थक असून सामाजिक व राजकीय क्षेत्रात त्यांनी राष्ट्रीय एकात्मता राखण्याचे यशस्वी काम केले आहे. सन २०११ चा ‘ॐ नम:शिवाय प्रतिष्ठान’चा ‘बाळशास्त्री जांभेकर’ हा राज्यस्तरीय पुरस्कार, सन.२०१०चा रायगड जिल्हा पत्रकार मित्र फाऊंडेशनचा ‘सांस्कृतिक व कला पुरस्कार’ मिळाला आहे. शहरातील हिंदू-मुस्लीम ऐक्य राखण्यासाठी मोलाचे योगदान दिले आहे.खासदार सुनील तटकरे व राज्याच्या महिला व बालकल्याणमंत्री आदिती तटकरे याचे ते निकटवर्तीय मानले जातात तसेच राष्ट्रवादी काँग्रेस पार्टीचे शहर अध्यक्ष म्हणून कार्यरत आहेत.

    मुरुड नगरपरिषदेचे सलग पाच वेळा असे २५ वर्षे नगरसेवक पद ,१५ वर्षे शिक्षण ,कला, क्रिडा, सांस्कृतिक सभापतीपदी,मुरुड तालुका सुपारी संघ लि. चेअरमन, मुरुड ता. सुपारी संघ नियंत्रण मंडळ अध्यक्षपद ,मुरुड ता-एज्युकेशन सोसायटी संचलित पायोनियर इंग्लिश स्कूल चेअरमनपद, रायगड जिल्हा कोमसाप अध्यक्ष, म. फुले नागरी सहकारी पतसंस्था अध्यक्ष, मुरुड माळी समाज अध्यक्ष ,'कलासागर नाट्यसंस्था मुरुड जंजिरा अध्यक्ष पदी,मुरुड तालुका समन्वय समिती अध्यक्ष म्हणून उत्तम प्रकारे काम केले आहे.मराठी नाटक, मालिका (सिरियल) तसेच बारामती येथील माजी केंद्रीय मंत्री शरदचंद्र पवार हे संस्थापक अध्यक्ष असलेल्या संस्थेकडून सन.२०१८ चा जीवनगौरव पुरस्कार, मुंबईच्या सर्वद फाऊंडेशनचा सर्वद जीवन गौरव पुरस्कार,मराठी नाटक, मालिका (सिरियल), मराठी चित्रपटात अभिनय,२५ वर्षे  विशेष कार्यकारी अधिकारी अनेक संस्थांकडून त्यांना पुरस्कार मिळाले आहेत.कला साहित्य सांस्कृतिक क्षेत्रातील त्यांच्या सामाजिक सेवेची पोच पावती त्यांची चौथ्यांदा शाखाध्यक्षपदी निवड झाली आहे.

    यावेळी सर्व नवनिर्वाचितांचे पुष्पगुछ देऊन अभिनंदन करण्यात आले.सचिव नैनिता कर्णिक यांनी उपस्थितांचे आभार मानले.