नांदगावमध्ये अनधिकृत रेतीसाठा : महसूल विभागाची कारवाई

कोर्लई,ता.१०(राजीव नेवासेकर) मुरुड तालुक्यातील नांदगाव समुद्रकिनारी कोणती रॉयल्टी वा परवानगी न घेता बिनदिक्कतपणे रेती उत्खनन होत असून सरपंच सेजल घुमकर व ग्रामस्थांच्या सजगतेने महसूल विभागाने कारवाई करत पाच ब्रास रेती साठा बैलगाडीसह ताब्यात घेण्यात आला आहे.

   नांद‌गाव  समुद्रकिनारी आज दि० ०६.०४.२०२५ रोजी दुपारी १२-३० वा.गट नं.६९२/२ या जमिर अ.इब्राहिम अनवारे यांचे नावे असलेल्या मिळकतीमध्ये अंदाजे ५ ब्रास रेती साठा आढळुन आला असुन त्यासाठ्याबद्दल त्यांच्याकडे कोणतीही रॉयल्टी वा परवानगी चौकशी केली असता आढळून आलेला नाही.या मिळकतीत रेतीने भरलेली बैलगाडी सुद्धा आढळून आली आहे.

  समुद्रात रेती उपसा हा दररोज सुरु असून संबंधितांना रेती अडवणुक करायला ग्रामस्थ गले असता ते लोक  ग्रामस्थांना धमकी देण्याचे प्रकार वारंवार घडत आहेत.करीता संबंधितांवर कठोर कारवाई करावी व दंड ठोकावा.अशी मागणी ग्रामपंचायत सरपंच सेजल सुदेश घुमकर,तुषार दिवेकर, महेश मापगांवकर, हर्षद दळवी यांनी करण्यात आलेल्या पंचनाम्यात करण्यात आली आहे यावेळी तलाठी अरविंद देशमुख,पोलिस पाटील विश्वास महाडिक यावेळी उपस्थित होते.