मुरुड तालुक्यात क्षयरोग मुक्त मोहिमेला सुरुवात Tuberculosis treatment

मुरुड तालुक्यात क्षयरोग मुक्त मोहिमेला सुरुवात Tuberculosis treatment

Tuberculosis treatment

कोर्लई,ता.८(राजीव नेवासेकर)राष्ट्रीय Tuberculosis दुरीकरण कार्यक्रमांतर्गत जिल्ह्यात 100 दिवसीय क्षयरोग शोध मोहीम राबविण्यात येणार आहे. ही मोहीम दिनांक शनिवार 7 डिसेंबर 2024 रोजी सुरु झाली असून 24 मार्च जागतिक क्षयरोग दिन 2025 रोजी संपणार आहे. या मोहीमेच्या प्रभावी अंमलबजावणीसाठी या 100 दिवसीय क्षयरोग मोहिमेमध्ये सर्वांनी सक्रीय सहभाग घ्यावा. तसेच सन 2025 पर्यंत जिल्हा क्षयमुक्त होईल यासाठी प्रयत्न करावेत, असे आवाहन करण्यात आले आहे .

या मोहीमेचा उद्देश हा जास्तीत जास्त Tuberculosis शोधून त्यांना उपचारावर आणणे, क्षय रुग्णांचा मृत्यूदर कमी करणे, नवीन क्षय रुग्णांचे प्रमाण कमी करणे, वंचित व अतिजोखमीच्या घटकापर्यंत पोहोचून आरोग्य सेवा पुरवणे, क्षयरोगाविषयी जनजागृती करणे, समाजामधील क्षयरोगाविषयी जनजागृती करणे व सामाजिक कलंक कमी करण्यासाठी उपक्रम राबविणे, जिल्हयातील संमती दिलेल्या क्षयरुग्णांची पंतप्रधान क्षय मुक्त भारत अभियानांतर्गत निक्षयमित्र यांचेकडुन पोषण आहार कीटचे वाटप करणे असा आहे.त्याचाच भाग  मुरुड तालुक्यात 7 डिसेंबर 2024 रोजी राष्ट्रीय क्षयरोग दुरीकरण कार्यक्रम अंतर्गत 100 दिवशीय टी बी मुक्त भारत अभियान राबविण्यात येणाऱ्या मोहिमेचा शुभारंभ क्षयरोग पथक मुरुड तर्फे ग्रामीण रुग्णालय मुरुड ,सर्व प्राथमिक आरोग्य केंद्र व सर्व उपकेंद्रात करण्यात आला. यावेळी ग्रामीण रुग्णालय येथे प्रमुख पाहुणे डॉ. एम.ए.कोकाटे, वैद्यकीय अधीक्षक डॉ.उषा चोले, तालुका आरोग्य अधिकारी डॉ. पायल राठोड, सर्व आरोग्य कर्मचारी व ग्रामस्थ यावेळी उपस्थित होते.

2025 पर्यंत भारताला Tuberculosis मुक्त करण्याचे उद्दिष्ट देशाचे प्रधानमंत्री नरेंद्र मोदी यांनी दि.13 मार्च 2018 रोजी हाती घेतले असून अतिजोमाने राबविण्यात येणाऱ्या मोहिमेचा एक भाग या वर्षी 7 डिसेंबर 2024 ते 24 मार्च 2025 पर्यंतच्या 100 दिवसांच्या कालावधीत 60 वर्षांवरील सर्व लोकांची, HIV बाधित, कर्करोग बाधित, डायबिटीस बाधित, धूम्रपान करणारे, दारूच्या आहारी गेलेल्या , वीटभट्टी वर काम करणाऱ्या तसेच आश्रम गृहातील मुलांची 100% तपासणी करण्यात येणार आहे. तसेच समाजामध्ये मोठ्या प्रमाणात क्षयरोगाविषयी जनजागृती करण्यात येणार आहे. 

या कार्यक्रमाच्या वेळी डॉ. कोकाटे यांनी आपले मनोगत व्यक्त करताना, समाजातील सर्व व्यक्तींनी या मोहिमेचा लाभ घेऊन तपासणी करून घेण्याचे आव्हान केले. तसेच वैद्यकीय अधीक्षक डॉ. उषा चोले यांनी उपस्थित सर्वांनी क्षयरोगाची लक्षणे, मोफत उपचार, निक्षयमित्र याविषयी सविस्तर मार्गदर्शन केेले. तसेच समाजातील सर्व घटकांनी या मोहित सहभागी होण्याचे आवाहन केले. डॉ.पायल राठोड तालुका आरोग्य अधिकारी मुरुड यांनी आपल्या आभार प्रदर्शनाच्या भाषणात ग्रामीण भागात होणाऱ्या या सर्व्हे मध्ये घरी येणाऱ्या सर्व आरोग्य कर्मचारी व आशा सेविकांना सहकार्य करण्याचे आवाहन केले व ही मोहीम 100% यशस्वी करून टी बी मुक्त मुरुड करण्याचा संकल्प केला तसेच डॉ.एम.ए. कोकाटे, वैद्यकीय अधीक्षक डॉ.उषा चोले व डॉ.पायल यांनी निक्षयमित्र बनून उपचार चालू असलेल्या क्षयरुग्णांना कोरडा आहार देण्याचे ठरविले. या कार्यक्रमाची प्रस्तावना संकेत घरत STS व सूत्रसंचालन शिंदे यांनी केले.

________________________________________