मुरुडमध्ये शासकिय कार्यालय परिसरात केली स्वच्छता : प्रशासनाने घेतली दखल

Raigad Maza News cha EFFECT

  कोर्लई,ता.२३(राजीव नेवासेकर)गेल्या दोन तीन महिन्यांपासून मुरुडच्या तहसीलदार व रजिस्ट्रार कार्यालय परीसरात वाढलेले गवत, कचरा व घाणीचे साम्राज्य पसरले होते. त्यामुळे विविध कामानिमित्त या ठिकाणी येणारे नागरिक व संबंधित अधिकारी वर्गाच्या आरोग्याचा प्रश्न ऐरणीवर आला होता. सदरचे वृत्त दैनिक वृत्तपत्रातून प्रसिद्ध करण्यात आले होते.सामाजिक कार्यकर्ते अरविंद गायकर यांनी या परिसरातील अस्वच्छते 

 बाबत आवाज उठविला होता.तात्काळ संबंधित प्रशासनाने याची दखल घेऊन याठिकाणी स्वच्छता करण्यात आल्याने नागरिकांतून समाधान व्यक्त केले जात आहे.

     या ठिकाणी शहरासह तालुक्यातून आपल्या विविध कामांसाठी ये-जा करणाऱ्यांचा मोठ्या प्रमाणावर वावर असतो.कार्यालयाच्या जवळपास शौचालय व प्रसाधनगृह आहे. पावसाळा सुरु होऊन दोन महिने होताच या परीसरात गवत आणि घाणीचे साम्राज्य पसरले होते. कार्यालयांच्या मागील बाजूस झाडी-झुडपे वाढली असल्याने सरपटणाऱ्या विषारी प्राण्यांपासून धोका देखील उद्भवण्याची भिती होती. प्रशासनाने याची दखल घेऊन याठिकाणी स्वच्छता करण्यात आल्याने नागरिकांतून समाधान व्यक्त केले जात आहे.